दार्चुलाको मालिकार्जुन गाउँपालिका वडानम्बर ८ शंकरपुरमा एक जना मृत अवस्थामा फेला परेका छन् । शंकरपुर गोरेकाणा बस्ने अन्दाजी ५२ वर्षिय इन्द्रसिंह धामी सोमबार दिउँसो करिब ४ बजेतिर मृत अवस्थामा फेला परेको जिल्ला प्रहरी कार्यालय दार्चुलाका सुचना अधिकारी राजेश शाहीले जानकारी दिनु भयो । आईतबार बेलुकी देखि घर नफर्के पछि उहाँकी श्रीमतीले खोज तलास गर्ने क्रममा शंकरपुरकै नवलीधारमा बाटो भन्दा तल तिर मृत अवस्थामा भेट्टिएको परिवारीक स्रोतले जनाएको छ । घटना स्थलमा इलाका प्रहरी कार्यालय गोकुलेश्वरबाट प्रहरी निरीक्षक विरेन्द्र थापा नेतृत्वको टोली खटिएको थियो । घटनासम्बन्धी थप अनुसन्धान गर्न शवलाई पोष्टमार्टमका लागि जिल्ला अस्पताल दार्चुला ल्याएको छ । पोष्टमार्टम पछि उनको मृत्यु बारे अनुसन्धान हुने प्रहरीले जनाएको छ।
