दार्चुला, भाद्र ३ गते ।
दार्चुलाको ब्यास गाउँपालिकामा उपभोग्य सामान आपुर्तीका लागि गृह मन्त्रालयले खाद्य ब्यवस्था तथा ब्यापार कम्पनी लिमिटेडलाई पत्राचार गरेको छ ।
ब्यासमा खाद्यान्न अभाव भइरहेको भन्दै बुधबार ब्यास गाउँपालिका अध्यक्ष दिलिप सिह बुढाथोकीले गृहमन्त्री बालकृष्ण खाणलाई ज्ञापन पत्र बुझाएका थिए । नेपालको बाटो भएर दार्चुला सदरमुकाम आवत जावतका लागि असहज स्थिती भएको र महाकाली नदीमाथीका तुईनहरु भारतीय पक्षले हटाउदाँ ब्यासमा खाद्यान्न अभाव भएकाले हेलिकोप्टर मार्फत खाद्यान्न ढुवानीका लागि अध्यक्ष बुढाथोकीले गृह मन्त्रीलाई अनुरोध गरेका थिए । आवस्यक खाद्य आपुर्तीका लागि विहिबार गृह मन्त्रालयले खाद्य ब्यवस्था तथा ब्यापार कम्पनीलाई पत्राचार गरेको छ । ब्यास गाउँपालिकाको वडा नं ४ सुन्सेरामा खाद्य ब्यवस्था तथा ब्यापार कम्पनीको डिपो तथा वडा नं १ छाङरु र वडा नं २ राप्लामा वितरण केन्द्र रहेको छ । हाल बर्षादले नेपाल तर्फको बाटो अवरुद्ध भएको र महाकादी नदीमाथीका तुईनहरु भारतीय पक्षले हटाएकाले ब्यासमा खाद्यान्नको समस्या भइरहेको छ । ब्यास गाउँपालिका वडा नं १ र ४ का लागि २ सय क्विन्टल चामल तथा वडा नं २ र ३ का लागि १ सय क्विनटल चामल लगायत दैनिक आवस्यक पर्ने उपभोग्य सामग्री हेलिकोप्टर मार्फत तत्काल ढुवानी गर्न गाउँपालिका अध्यक्ष बुढाथोकीले गृह मन्त्रीसंग अनुरोध गरेका थिए ।
सम्बन्धित समाचारः ब्यासमा खाद्यान्न अभावः ढुवानी गर्न गृहमन्त्रीलाई गाउँपालिका अध्यक्षको अनुरोध
