दार्चुला, माघ २८ गते ।
दार्चुलामा नयाँ प्रहरी प्रमुखको रुपमा डिएसपी मनोहर प्रसाद भट्ट आउने भएका छन् ।
दार्चुलाको प्रहरी प्रमुखको जिम्मेवारीमा रहेका डिएसपी पदम बहादुर विष्टको एसपीमा बढुवा भएपछि नयाँ प्रहरी प्रमुख आउन लागेको जिल्ला प्रहरी कार्यालय दार्चुलाका सूचना अधिकारी एबं प्रहरी निरीक्षक पुस्कर ऐरीले जानकारी दिनुभयो । मंगलबार सरुवा भएकाले नयाँ प्रहरी प्रमुखको रुपमा दुई–तीन दिन भित्र डिएसपी भट्ट दार्चुला आईपुग्ने उहाँको भनाई छ । प्रहरी प्रधान कार्यालयको माघ २७ गतेको बैठकले ६ वटा डिएसपीहरुको सरुवा गरेको छ । सोहि अनुसार लुम्बिनी प्रदेश प्रहरी कार्यालय दाङका डिएसपी मनोहर प्रसाद भट्टको जिल्ला प्रहरी कार्यालय दार्चुलामा सरुवा भएको छ । ६ वटा डिएसपीहरुको सरुवा संगै अछाम र ताप्लेजुङले पनि नयाँ डिएसपी पाउने भएको छ ।
