दार्चुला, वैशाख २९ गते ।
कर्णाली प्रदेशसभाका सभामुख र उपसभामुखसहित नाैजना प्रदेशसभा सदस्यहरूकाे टाेली दार्चुला पुगेकाे छ । अनाैपचारिक भ्रमणकाे क्रममा सभामुख नन्दा गुरूङ नेतृत्वको टाेली शुक्रबार साँझ सदरमुकाम खलंगा पुगेको हाे ।
कर्णाली प्रदेशसभाका उपसभामुख यशाेदा न्याैपाने र सात जना प्रदेशसभा सदस्यहरू भ्रमणमा सहभागी छन् । भ्रमणमा सहभागी सबै महिला प्रदेशसभा सदस्यहरू रहेकाे जिल्लास्थित सुरक्षा स्राेतले बतायाे ।
सभामुख नेतृत्वको टाेलीले शनिवार विहान मार्मा गाउपालिका अध्यक्ष जमन सिंह धामी र प्रमुख जिल्ला अधिकारी यज्ञराज जाेशीसहित जिल्लास्थित सुरक्षा प्रमुखहरूसंग छुट्टाछुट्टै भेटघाट गरेकाे छ ।
जिल्लाको वस्तुस्थितिका साथै सिमाक्षेत्रकाे अवस्थाको बारेमा टाेलीका सदस्यहरूसंग छलफल गरिएको मार्मा गाउपालिका अध्यक्ष धामीले बताउनुभयाे । यहाँकाे भूगाेल र आर्थिक, सामाजिक तथा राजनीतिक अवस्थाबारे उक्त टाेलीले चासाे राखेकाे छ ।
दार्चुला सदरमुकामस्थित बजारक्षेत्र र महाकाली नदी किनारक्षेत्रमा सभामुख नेतृत्वको टाेलीले अवलोकन भ्रमण गरेकाे छ । गाडीमार्फत भ्रमणमा दार्चुला पुगेकाे कर्णालीकाे टाेली शनिवार विहान ११ बजे दार्चुलाबाट फर्किएको छ ।
मालिकार्जुन राष्ट्रियधाम र गाेकुलेश्वर बजारक्षेत्रकाे भ्रमण गरि टाेली फर्किएको छ । सुर्खेतबाट मध्यपहाडी लाेकमार्ग हुँदै अछाम, बाजुरा, डाेटी जिल्लाकाे भ्रमण गर्दै सभामुख नेतृत्वको टाेली दार्चुला भ्रमणमा पुगेको हाे ।
अन्तर्राष्ट्रिय सिमाक्षेत्रकाे दार्चुला जिल्ला सदरमुकाम दाेस्राेपटक भ्रमण गरेकाे सभामुख नन्दा गुरूङले बताउनुभयो । यसअघि २०५१ सालमा आफुले दार्चुला भ्रमण गरेको स्मरण गर्नुभयाे । टाेलीका अधिकांश सदस्यहरूकाे भने पहिलो दार्चुला भ्रमण भएको उहाँले बताउनुभयाे ।
