प्रत्येक बुधबार र शनिबार खोल्ने भनिएको नेपाल भारत जोड्ने खलंगा सीमापुल नखुल्ने

497
केहि हप्ता अघि भारतीय पक्षले पुर्व सूचना अनुसार पुल नखोली दुई घण्टा मात्रै खोल्दा नेपाल भारत जोड्ने खलंगा स्थित पुलमा भिड लागेको थियो

दार्चुला, मंसिर १६ गते ।
प्रत्येक बुधबार र शनिबार खोलिने भनिएको नेपाल भारत जोड्ने दार्चुला सदरमुकाम स्थित सीमानामा नखुल्ने भएको छ । गत मंगलबार जिल्ला प्रशासन कार्यालय दार्चुलामा बसेको सर्बपक्षीय भेलाले सीमानाका प्रत्येक हप्तामा बुधबार र शनिबार विहान १० बजे देखि दिउसो तीन बजे सम्म खोल्ने सहमती गरेको थियो । सोहि सहमती अनुसार जिल्ला प्रशासन कार्यालय दार्चुलाले भारतको धार्चुला तहशिललाई हप्तामा दुई दिन पुल खोल्ने विषयमा पत्राचार गरेको थियो ।
यस विषयमा धार्चुला तहशिलको सहमतीमा गत बुधबार पुल खोलीएको भएपनि शनिवार अवरुद्ध भएको थियो । सहमती अनुसार विहान १० बजे देखि दिउसो तीन बजे सम्म खोलिनुपर्ने पुल विहान १० बजे एक घण्टा र दिउसो तीन बजे एक घण्टा खोल्दा विहान सामान खरिदका लागि भारतको धार्चुला बजारमा पुगेका नेपालीहरु अलपत्र परेका थिए ।
भारतको धार्चुला प्रशासनले मंसिर १३ गते शनिबार पुलघाटमा खटिएको ११ वी बाहिनि , सशस्त्र सीमाबल लाई पत्र लेख्दै हप्तामा दुई दिन पुल खाल्ने भनिएको भएपनि नखोल्न भनि पत्राचार गरेको छ ।
नेपाली प्रशासन संगको सहमति अनुसार शनिबार र बुधबार विहान १० बजे देखि दिउसो तीन बजे सम्म पुल खोल्ने भनिएको भनिएपनि विषेश कारणले पुल खोल्न स्थिगीत गरिएकाले पुल नखोल्न भनि भारतको धार्चुला तहशिलले एसएबीलाई पत्राचार गरेको छ ।
भारतको धार्चुला प्रशासनले सुरुमा नेपालको प्रस्ताव स्विकार गरेपनि पछिल्लो पटक पुल खोल्न सहमत नभएको जिल्ला प्रशासन कार्यालय दार्चुलाका साहयक प्रमुख जिल्ला अधिकारी जोत्सना भट्ट जोशीले जानकारी दिनुभयो ।
पुल खोल्न माथि बाट अनुमती लिनुपर्ने भएकाले हप्तामा दई दिन सीमनाका खोल्न सकिदैन भन्ने भारतीय पक्षको भनाई रहेको उहाँको भनाई छ ।
बुधबार र शनिबार दैनिक रुपमा नाका नखोलीने भएपनि अत्यावस्यक कार्यका लागि भने सीमानाका खोल्न सकिने साहयक प्रमुख जिल्ला अधिकारी भट्टको भनाई छ ।

तपाईको प्रतिक्रिया दिनुहोस् !