छाङरु विओपीका पहिलो कमाण्डर चन्द पुरस्कृत

175

बिरा दत्त भट्ट
माघ १० गते, दार्चुला ।भारतद्धारा अतिक्रमित नेपाली भूमी कालापानी लिपुलेक क्षेत्र नजिकको सशस्त्र प्रहरीको विओपी छाङरुका पहिला कमाण्डर प्रहरी निरीक्षक लिलिबहादुर चन्द सम्मानित भएका छन् । काठमाण्डौ हलचोकमा शुक्रबार भएको २० औ सशस्त्र प्रहरी दिवसको अवसरमा चन्द सम्मानित भएका हुन् ।
शान्ती सुरक्षा र अमनचयन कायम गराई नागरिकहरुमा सुरक्षा प्रत्याभुति दिन सशस्त्र प्रहरीले दिएको जिम्मेवारी चन्दले उत्कृष्ट ढंगले गरेको भन्दै दिवसको अवसरमा सम्मानित गरिएको सशस्त्र प्रहरीले जनाएको छ ।
प्रहरी निरीक्षक चन्दले अनुशासित ढंगले कार्य सम्पादन गरि राष्ट्र समाज र संंगठनको छबी उच्च राख्न सफल भएकोमा नगद ५ हजार सहित सशस्त्र प्रहरीले सम्मानपत्र प्रदान गरेको छ । सीमा क्षेत्रमा सुरक्षाको महत्वपुर्ण जिम्मेवारी दिने संगठन प्रमुख तथा कार्य सम्पादनमा सहयोग गर्ने सहकर्मीहरुलाई प्रहरी निरक्षक चन्दले समाजिक सञ्जाल फेसबुक मार्फत धन्यबाद दिएका छन् ।
नेपाली भूमी लिपुलेक हुदै मानसरोवर जाने धार्चुला–लिपुलेक सडकको भारतले उद्धाघाटन गरेपछि नेपाल सरकारले पहिलो पटक कालापानी भन्दा १२ किलोमिटर तल छाङरुमा सशस्त्र विओपीको स्थापना गरेको थियो ।
सरकारले पहिलो पटक २०७७ बैसाख ३१ गते छाङरुमा सशस्त्र प्रहरीको विओपी स्थापना गरे पश्चात विओपीमा प्रहरी निरीक्षक लिलिबहादुर चन्दलाई कमाण्डरको जिम्मा दिएको थियो । सुरुमा सशस्त्र विओपी स्थापना गरिएको छाङरुमा हाल सशस्त्रको गुल्म स्थापना भइसकेको छ ।

तपाईको प्रतिक्रिया दिनुहोस् !